Նորվեգիայի վարչապետ Յենս Ստոլտենբերգը 1 օրով տաքսիստ է դարձել՝ մարդկանց հետ շփվելու նպատակով, հաղորդում է BBC-ն:
Ստոլտենբերգը հայտարարել է, որ ցանկացել է իմանալ ընտրողների իրական տրամադրությունները, իսկ տաքսին դրա համար ամենահարմար վայրն է:
«Ինձ համար շատ կարևոր է իմանալ, թե ինչ է ուզում ժողովուրդը: Ու եթե կա այնպիսի վայր, որտեղ մարդիկ իսկապես ասում են, թե ինչ են ցանկանում, դա տաքսին է»,- հայտարարել է նա:
Ուղևորների մեծ մասը նկատել են, որ վարորդն, ամենայն հավանականությամբ, տաքսիստ չէ, իսկ շատերն էլ ասել են, որ նա չափազանց նման է Ստոլտենբերգին:
