Յուրաքանչյուր մեքսիկացի տարեկան միջինում խմում է 163 լիտր գազավորված ըմպելիք, ինչը 45 տոկոսով ավելի է ԱՄՆ բնակիչների նույն ցուցանիշից: Ընդհանուր առմամբ, գազավորված ըմպելիքների օգտագործմամբ Մեքսիկան աշխարհում առաջին տեղն է զբաղեցնում: Այս մասին նշվում է Պանաամերիկյան և Առողջապահության համաշխարհային կազմակերպության համատեղ զեկույցում, հաղորդում է Ria Novosti-ն:
Բժիշկների տվյալներով՝ քաղցր և գազավորված ըմպելիքների նկատմամբ մեքսիկացիների սերն է ավելորդ քաշի և շաքարախտի պատճառ դառնում, որոնցով տառապում են երկրի շատ բնակիչներ: Դրա հետ կապված՝ բժիշկներն առաջարկել են հատուկ՝ 20 տոկոսանոց հարկ սահմանել գազավորված ըմպելիքների վրա, որպեսզի դրանք պակաս հասանելի լինեն բնակչությանը: Փարձագետների հաշվարկներով՝ դա գազավորված ըմպելիքների օգտագործումը կարող է նվազեցնել 26 տոկոսով, իսկ դրանից հավաքված 24 միլիարդ եվրոն կարելի է օգտագործել ավելորդ քաշի դեմ պայքարում:
