Այսօր անդրադառնալով Ընտրական օրենսգրքի փոփոխություններին՝ ՀՅԴ խմբակցության ղեկավար Վահան Հովհաննիսյանը հայտարարեց, որ այս ընտրական փոփոխություններով ստեղծված իրավիճակում այսօրվա իշխանությունների մեծամասնությունը ընտրություններից հետո կրկին կմնա իշխանության, իսկ այդպիսի ռեֆորմ մեզ պետք չէ:
Հովիկ Աբրահամյանը, դիմելով Վահան Հովհաննիսյանին, նշեց. «Ձեզ ոչ թե ռեֆորմ է պետք, այլ պետք է, որ իշխանությունը վերցնեք»:
«Այո, անկեղծ ասած, որ դուք իշխանությունը կորցնեք: Դուք ինչո՞վ եք այդ արժեքները վաստակել, որ անընդհատ իշխանության մնաք, ժողովրդի վիճա՞կն է լավացել, իհարկե ոչ»,- արձագանքեց Վահան Հովհաննիսյանը: Արծվիկ Մինասյանն էլ իր ելույթում նշեց, որ այդ օրենքը մարդուն զրկում է նաև աստվածաշնչյան իրավունքից, այն է՝ ընտրելու իրավունքը:
Հովիկ Աբրահամյանը ավելացրեց. «Ձեր խնդիրը իշխանությունն է, ոչ թե օրենքը, եթե մենք հրաժարական տանք, կասեք, որ այդ օրենքը լավն է»:
