Էրեբունի և Նուբարաշեն վարչական շրջանների ընդհանուր իրավասության դատարանում Վլադիմիր Գրիգորյանի նախագահությամբ սկսվել է Սոս Օհանյանի գործի դատավարությունը:
42-ամյա Սոսը ՀՀ ԱԻՆ փրկարար ծառայությունում աշխատել է որպես վարորդ: 2013 թվականի մայիսի 14-ին նա՝ փրկարար ծառայության աշխատակիցը, իրեն ամրակցված ծառայողական ավտոմեքենան վարել է ոչ սթափ վիճակում:
Երևանի Նուբարաշենի խճուղում նա թույլ է տվել ՃԵԿ պահանջների խախտում, տեղի է ունեցել պատահար, որի արդյունքում «Ֆիատ» ավտոմեքենայի վարորդ Ռ. Աբրահամյանը մահացել է, իսկ «Օպել» ավտոմեքենայի վարորդ Տ. Քիշմիրյանը ստացել է կյանքին վտանգ սպառնացող ծանր մարմնական վնասվածքներ:
Սոս Օհանյանը մեղադրվում է ՀՀ քրեական օրենսգրքի 242 հոդվածի 2-րդ մասով: Նրա նկատմամբ խափանման միջոց է ընտրված կալանավորումը:
