Նյու Յորքում ինքնասպանություն է գործել բրիտանացի դիվանագետ Թոմաս Հերդի կինը, որը ԱՄՆ-ում է որպես ՄԱԿ-ի բրիտանական ներկայացուցչութան անդամ: Ինչպես կիրակի օրը՝ մայիսի 22-ին, հայտնել է The New York Post թերթը, 46-ամյա Քեթրին Հերդը մայիսի 21-ի վաղ առավոտյան իրեն վայր է նետել Մանհեթենում գտնվող բնակելի շենքի վերնահարկից: Ըստ որոշ տեղեկությունների՝ կինը մահացել է հիվանդանոցում:
Այն, որ դա ինքնասպանություն է, լրագրողներին հայտնել են ոստիկանությունում:
Associated Press նշում է, որ Հերդը իրեն վայր է նետել այն շենքի վերնահարկից, որտեղ ապրում էր:
Հայտնի է նաև, որ Հերդը որևէ նամակ չի թողել: Ըստ հարևանների՝ նա շատ երջանիկ մարդու տպավորություն է թողել: Հերդն ուներ հինգ երեխա:
Հայտնի է նաև, որ մյուս շաբաթ նրանք պետք է վերադառնային Մեծ Բրիտանիա, քանի որ նրա ամուսնու դիվանագիտական առաքելությունն ԱՄՆ-ում ավարտվում է:
