Spletnik.ru-ի փոխանցմամբ՝ դերասանուհի Ջուլյա Ռոբերթսն ու նրա ամուսին Դենիել Մոդերը ոչ մի կերպ չեն կարողանում վաճառել Հավայան կղզիներում գտնվող իրենց տունը։ Գարնանը հայտարված մեկնարկային գինը կազմել էր գրեթե 30 միլիոն դոլար։
Սակայն հոկտեմբերին այդ գինը նվազեցվել է մինչև 19.5 միլիոն դոլարի։ Այժմ հայտնի է, որ հոլիվուդյան ամուսնական զույգը վերստին նվազեցրել է տան գինը, և դարձրել է 16 միլիոն դոլար։
Խոսակցություններ կան, որ գնորդներին վանում է չափազանց մեկուսացված տեղանքը, որի շուրջ քիչ են զվարճությունները։ Ջուլյա Ռոբերթսն այդ տունը 2011 թվականին գնել է 13 միլիոն դոլարով և նույնպես հազվադեպ է եկել այդտեղ։
Դրա համար էլ նա որոշել է վաճառել 1917 թվականին կառուցված այդ տունը, որը պահպանել է իր ինքնատիպությունը։ Տունը գտնվում է Խաղաղ օվկիանոսի ափին և ունի 5 ննջասենյակ, առանձին հյուրասենյակ։ Տնից հիանալի տեսարան է բացվում դեպի օվկիանոս։
