«Եթե գույքի ավելացումը, եթե չունի բացատրություն, ապա սեփականատերը պետք է ենթարկվի որոշակի պատժամիջոցների, որոնք հստակորեն նշված են»,- այսօր ԱԺ-ում լրագրողների հետ զրույցում հայտարարեց ՀՀ փոխվարչապետ, տնտեսական ինտեգրման և բարեփոխումների նախարար Վաչե Գաբրիելյանը՝ մեկնաբանելով Քրեական օրենսգրքում առաջարկվող փոփոխությունները: Ըստ նրա՝ ներկայումս հստակեցվող հակակոռուպցիոն ռազմավարությամբ համապատասխան մարմինները հրապարակված տվյալի վերաբերյալ պարտավոր են լինելու հաշվետվողականության:
Թե ի՞նչ երաշխիք, որ այս փոփոխությունն իրականում կգործի, փոխվարչապետը պատասխանեց. «Մեր խնդիրը նախաձեռնելն է, մենք նախաձեռնելու ենք, ներկայացնենք: Եթե դուք հույս չունեք, մենք հույս ունենք, կներկայացնենք, կերևա»:
Նախագծի հետադարձ ուժի վերաբերյալ Վ. Գաբրիելյանը նշեց, որ դա իրավական հարց է, իրավաբաններն ասում են, որ որևէ խստացում չի կարող հետադարձ ուժ ունենալ:
Մանրամասները՝ տեսանյութում:
