Mirfactov պորտալը ներկայացնում է տարօրինակ փաստեր սմարթֆոնների մասին:
Հարվարդի բիզնես դպրոցի գիտնականները կախվածություն են հայտնաբերել բջջային սարքի չափերի, մարդու դիրքի և նրա վարքի միջև: Նշվում է, որ խոշոր սարքերի տերերը իրենց ավելի վստահ են դրսևորում, քան փոքր չափեր ունեցող սարքերի տերերը: Դրա գլխավոր պատճառը դիրքն է: Փոքր սարքը մարդուն ստիպում է խոնարհվել, իսկ մեծ դիսփլեյներով սարքերի կիրառումը՝ հակառակը: Բացի այդ, սմարթֆոնը կարող է որպես բահ կամ թի օգտագործվել:
Սմարթֆոնը տիրոջ համար շատ ինտիմ իր է, այդ իսկ պատճառով զարմանալի չէ, որ նույնիսկ սեքսի ժամանակ մարդիկ իրենց ձեռքից բաց չեն թողնում հեռախոսը: Սմարթֆոնի յուրաքանչյուր 10-րդ տեր սիրով զբաղվելիս չի բաժանվում սարքից:
Սմարթֆոնները հաճախ «մեղադրվում են» տարբեր հիվանդությունների առաջացման մեջ: Օրինակ՝ գիտնականները հաստատում են, որ բջջայինով երկար զրուցելը կարող է հանգեցնել լսողության մասնակի կորստի, քանի որ օգտատերը շրջապատի աղմուկի ֆոնին գնալով բարձրացնում է ձայնը: Կեղտոտ կորպուսը խնդիրներ է առաջացնում մաշկի հետ: Անհարմար դիրքով տևական զրույցները հանգեցնում են պարանոցի ու մեջքի ցավերի:
Հարավային Կորեայի գիտնականները հայտնել են, որ սմարթֆոններն առաջացնում են «թվային տկարամտություն», որը նշանակում է կենտրոնանալու անկարողություն:
Ամերիկյան TalkTalk Mobile ընկերությունն արտասովոր հետազոտություն է անցկացրել՝ստեղծելու համար տարբեր օպերացիոն համակարգով սմարթֆոնների տերերի հոգեբանական պատկերը: iOS համակարգով սարքերի (iPhone) տերերը մեծ ուշադրություն են դարձնում իրենց իմիջին և դրա համար մեծ գումարներ ծախսում, շատ են ճանապարհորդում և շփվում սոցցանցերում:
BlackBerry սմարթֆոնների տերերը ավելի գործարար են: Ինչ վերաբերում է Android օպերացիոն համակարգով աշխատող սմարթֆոններից օգտվողներին, ապա նրանք ավելի հաճախ են հեռուստացույց դիտում, ավելի շատ են ալկոհոլ օգտագործում:
