«Լիվերպուլ»-ի հարձակվող Լուիս Սուարեսը խնդրել է ակումբին, որ պահի իր խոստումն ու հարգի պայմանավորվածությունը, ըստ որի, եթե թիմը չհայտնվի Չեմպիոնների Լիգայում, խաղացողը հնարավորություն կունենա հեռանալ:
«Անցած տարի ես հնարավորություն ունեի տեղափոխվել մեծ եվրոպական ակումբ, բայց մնացի` հուսալով, որ եթե չհայտնվենք Չեմպիոնների Լիգայում, թույլ կտան հեռանալ:
Անցած մրցաշրջանում ես ողջ ուժերս տվեցի թիմի համար, բայց դա բավարար չեղավ քառյակում տեղ զբաղեցնելու համար: Միակ բանը, որ հիմա ուզում եմ` թող «Լիվերպուլ»-ը հարգի մեր պայմանավորվածությունը:
Չեմ կարծում, թե ակումբը ինձ դավաճանել է, բայց նախորդ տարի նրանք ինձ ինչ-որ բան խոսք տվեցին, ինչպես և ես խոստացա, որ կմնամ ու կօգնեմ թիմին:
Ինձ ազնիվ խոսք էին տվել: Հիմա ուզում եմ, որ այդ խոստումը պահեն: Դա ոչ միայն մարզչի հետ բանավոր համաձայնություն է, այլ գրավոր գրված տեսքտ` պայմանագրում:
Ես չեմ պատրաստվում հեռանալ այլ ակումբ «Լիվերպուլ»-ին վատություն անելու նպատակով: Ես 26 տարեկան եմ ու Չեմպիոնների Լիգայի կարիք ունեմ: Մշտական հակառակորդի կազմ տեղափոխվելու հարց էլ չկա: Ես նույնիսկ չէի դիտարկի այլ ակումբի առաջարկ, եթե այդ ակումբը Չեմպիոնների Լիգայում չխաղար:
Որոշ ժամանակ առաջ ես հասկացնել տվեցի, թե ուր եմ ուզում տեղափոխվել, իսկ հիմա, կարծում եմ, ժամանակն է, որ հրապարակայնորեն հայտարարեմ այդ մասին:
Ասում են, թե «Լիվերպուլ»-ն ավելիին էր արժանի, բայց ես ակումբում անցկացրած 100-ից էլ քիչ խաղերում 50 գոլ եմ խփել, իսկ հիմա ակումբը հնարավորություն ունի իմ տրանսֆերը վաճառել կրկնակի թանկ այն գնից, որով ձեռք էր բերել», – ասել է Սուարեսը:
Ավելի վաղ հայտնի էր դարձել, որ Սուարեսի տրանսֆերը ձեռք բերելու համար ջանք ու եռանդ չի խնայում «Արսենալ»-ը:
