Հայաստանում մեկնարկել է «Ինչ, որտեղ, երբ» խաղի աշխարհի 14-րդ առաջնությունը:
Նոյեմբերի 12-13 անցկացվող աշխարհի առաջնությանը մասնակցում է շուրջ 56 թիմ աշխարհի 23 երկրից՝ այդ թվում Մաքսիմ Պոտաշովը, Ալեքսանդր Դրուզը, Ալեքսանդր Ռուբինը, Անդրեյ Կոզլովը եւ այլք: Հայաստանը մասնակցում է 5 թիմով:
Այսօր տեղի կունենա նախընտրական խաղը, որը բաղկացած է երեք փուլերից՝ ամեն փուլում 15 հարց:
Լավագույն 5 թիմերը կանցնեն եզրափակիչ փուլ, որտեղ կորոշվի աշխարհի առաջնության չեմպիոն թիմը:
Առաջնության բացման արարողությանը ողջույնի խոսքով հանդես եկավ ՀՀ Նախագահ Սերժ Սարգսյանը:
«Ուրախ եմ, որ հենց մեր երկրում է անցկացվում «Ինչ, որտեղ, երբ» խաղի աշխարհի 14-րդ առաջնությունը: Այստեղ կան շատ ծանոթ դեմքեր. մեզ չի հաջողվել անձամբ հանդիպել, սակայն բոլորին ճանաչում եմ, քանի որ ինտելեկտուալ խաղի վաղեմի երկրպագուն եմ: Այսօր այս խաղը վայելում է մեծ ժողովրդականություն Հայաստանում: Ես երախտապարտ եմ Ձեզ նրա համար, որ Դուք Ձեր խաղով եւ Ձեր օրինակով սփռում եք գիտելիք եւ հետաքրքրություն մարդկության նվաճումների նկատմամբ: Այն լարվածությունը, որով դուք փնտրում եք ճիշտ պատասխանը բոլորի ներկայությամբ, արժանի է ամենաստորը հարգանքի: Սա հրաշալի օրինակ է աճող սերնդի համար: Մենք ցանկանում ենք, որ Հայաստանի երիտասարդությունը վստահ լինի, որ բոլոր խնդիրներն ունեն լուծումներ, պետք է պարզապես տրամադրվել հետեւողական, թիմային, լարված խաղի»,-ասաց Սերժ Սարգսյանը:
«Ինչ, որտեղ, երբ» խաղի աշխարհի առաջնություններ մինչ այժմ կազմակերպվել են Ռուսաստանում, Իսրայելում, Թուրքիայում, Վրաստանում, Ադրբեջանում:
