Շուրջ երկու միլիոն մարդ ստորագրել է խնդրագիրը, որն ընտրիչներին խնդրում են իրենց ձայնը տալ Հիլարի Քլինթոնի օգտին։
«Ընտրական կոլեգիա. դեկտեմբերի 19-ին նախագահ դարձրեք Հիլարի Քլինթոնին» վերնագրով խնդրագիրը հրապարակվել Է Change.org կայքում:
«Մենք ընտրիչներին կոչ ենք անում անտեսել նահանգներում ընտրությունների արդյունքները և քվեարկել Հիլարի Քլինթոնի օգտին: Ինչու՞: (Դոնալդ) Թրամփը պիտանի չԷ (նախագահի պաշտոնն զբաղեցնելու համար): Նրա իմպուլսիվությունը, սուտը, սեռական բնույթի ոտնձգությունների հանրաճանաչ պատմությունը, ինչպես նաև փորձի լիակատար բացակայությունը նրան վտանգավոր են դարձնում Հանրապետության համար: Քլինթոնը շահել Է ժողովրդական քվեարկությունը եւ պետք Է նախագահ լինի»,- ասված Է փաստաթղթում։
Հիշեցնենք, որ Միացյալ Նահանգների նախագահական ընտրություններում հաղթում է ոչ թե այն թեկնածուն, ով ստանում է քաղաքացիների քվեների մեծամասնությունը, այլ նա, ով ավելի շատ ընտրական միավոր է հավաքել:
Յուրաքանչյուր նահանգին տրվում է պայմանական թվով միավոր՝ ըստ բնակչության թվի: Անհրաժեշտ է ստանալ առնվազն 270 ընտրական ձայն ընդհանուր 538-ից՝ ԱՄՆ նախագահ ընտրվելու համար:
