11․19 Bloomberg. Դոնալդ Թրամփը հաղթում է ԱՄՆ նախագահական ընտրություններում։ Վերջին պաշտոնական տվյալներով՝ հանրապետական թեկնածուին վստահ հաղթանակի համար պահանջվում է ընդամենը 4 ձայն։
11․04 USA Today. ԱՄՆ-ում նախագահական ընտրություններում առաջատար դիրք է զբաղեցնում հանրապետական Դոնալդ Թրամփը, ով ստացել է 266 ընտրական ձայն, իսկ Հիլարի Քլինթոնը՝ 218։
10․46 Associated Press․ԱՄՆ-ում նախագահական ընտրություններում առաջատար դիրք է զբաղեցնում հանրապետական Դոնալդ Թրամփը, ով ունի ընտրական կոլեգիայի անդամների 264-ի ձայնը, իսկ նրա մրցակից դեմոկրատ Հիլարի Քլինթոնը հավաքել է 215 ձայն։
ԱՄՆ-ում ավարտվել է նախագահական ընտրությունների քվեարկությունը։ Վերջին ընտրատեղամասերը փակվել են Ալյասկա նահանգում։
Վերջին տվյալներով՝ հանրապետական թեկնածու Դոնալդ Թրամփը հավաքել է 244 ձայն (48.2%), իսկ դեմոկրատ Հիլարի Քլինթոնը՝ 215 ձայն ( 47․2%):
Միացյալ Նահանգների նախագահական ընտրություններում հաղթում է ոչ թե այն թեկնածուն, ով ստանում է քաղաքացիների քվեների մեծամասնությունը, այլ նա, ով ավելի շատ ընտրական միավոր է հավաքել:
Յուրաքանչյուր նահանգին տրվում է պայմանական թվով միավոր՝ ըստ բնակչության թվի: Անհրաժեշտ է ստանալ առնվազն 270 ընտրական ձայն ընդհանուր 538-ից՝ ԱՄՆ նախագահ ընտրվելու համար:
