«Հրապարակ» օրաթերթը ուշագրավ մանրամասները է ներկայացնում Գանձասարում գտնվող քարակերտ Առյուծի ստեղծման մասին: Ներկայացնում ենք հոդվածից հատված:
«Այդ պահին իմ մեքենան խարաբ էր: Մենք տղաներով բրթում էինք իմ մեքենան: Լևոն Գուրգենիչը որ տեսավ, ասեց՝ եթե շինես առյուծը, քո ասածն անես, մի հատ ավտո կնվիրեմ:
Ասեց՝ ի՞նչ մեքենա ես ուզում: Ասեցի՝ «Պրադո»»: Իհարկե, Գանձասարի առյուծն ավելին արժեր, քան «Պրադոն», բայց նկարիչն ամաչել է առևտրի մեջ մտնել հայտնի բարերարի հետ:
«3 տարի աշխատել եմ՝ գիշեր-ցերեկ, ձմեռ-ամառ: Վերջում էլ դուրս եկավ, որ ինքը պատրվակ գտավ, ինձ հետ կոնֆլիկտի մեջ մտավ ու ինձ չվճարեց»: Բացի ժայռաքանդակը, Արամ Ավագյանը նաև ձիաբուծարանի կառուցմամբ, Գանձասարի կանաչապատմամբ է զբաղվել, շենքերի ֆասադների դիզայնով: Սկզբնական շրջանում Լևոն Հայրապետյանը վստահել է իր դիզայներին, նույնիսկ տնօրեն է նրան նշանակել: Շինարարական աշխատանքների ժամանակ, ինչպես հաճախ է պատահում բարեգործների տրամադրած միջոցների հետ, որոշ նյութեր անհետացել են: Լևոն Հայրապետյանին ահազանգ է եղել, թե նկարիչը «սալյարկան» աննպատակ ծախսել է: «Զանգել էին իրեն Ռուսաստան, ստեր էին ասել, որ ես, իբր, 60 տոննա սալյարկա եմ ծախսել աննպատակ: Նա էլ, առանց «ռազբորկա» անելու, միանգամից հավատացել էր և հեռացրեց ինձ տնօրենի պաշտոնից»: Հիմա, ժամանակ անց, Արամը հասկանում է, որ սա ուղղակի առիթ էր, որ իրեն չվճարեին իր քրտնաջան աշխատանքի դիմաց:
Հոդվածն ամբողջությամբ՝ կարդացեք «Հրապարակ»-ի այսօրվա համարում:
