ԱԺ պատգամավորներ Վահե Էնֆիաջյանը և Հովհաննես Մարգարյանը նախաձեռնել են ստորագրահավաք՝ վիճարկելու Գյումրիում ՏԻՄ ընտրությունները: «Անհրաժեշտ է 21 ստորագրություն: Սա հնարավորություն է, որպեսզի դիմենք Սահմանադրական դատարան: Մեր ձևակերպմամբ՝ սխալ մոտեցում է եղել, ըստ էության՝ չգործող օրենքի կիրառում է տեղի ունեցել, հաշվարկի հետ կապված խնդիրներ ենք արձանագրել»,- Առաջին լրատվականի հետ զրույցում ասաց ԲՀԿ խմբակցության քարտուղար Վահե Էնֆիաջյանը:
Անդրադառնալով առաջիկա համապետական ընտրություններին՝ պատգամավորը նշեց. «Մենք լավ պատկերացնում ենք, թե ինչ թեժ պայքար կարող է տեղի ուենանլ… Առաջիկա ընտրություններին աչալրջորեն ենք պատրաստվում: Գագիկ Ծառուկյանի վերադարձի պարագայում, վստահ եմ, մեծ հաջողություններ կարձանագրենք»:
Անդրադառնալով հարցին, թե ով պետք է խնդրի Ծառուկյանին՝ վերադառնալ քաղաքականություն, Վահե Էնֆիաջյանը նշեց, որ ավելի շատ հասարակության պահանջն է, ժողովրդի մեջ է պահանջված Գագիկ Ծառուկյանի մասնակցությունը ակտիվ քաղաքականության մեջ:
Վ. Էնֆիաջյանի խոսքով՝ Գագիկ Ծառուկյանի վերադարձը կփոխի ներքաղաքական դաշտի ներկապնակը, և հատկապես ընդդիմադիր դաշտում առողջացում կնկատվի:
Մանրամասները՝ տեսանյութում:
