ԱԺ մշտական հանձնաժողովների նիստում 2017 թ. բյուջեի նախագծում եվրոպական ինտեգրման նպատակով հատկացումների շուրջ քննարկման ժամանակ պատգամավոր Հրանտ Բագրատյանը հետաքրքրվեց, թե ԵՄ-ի հետ առևտրային GPS+ ռեժիմից Հայաստանը որքա՞ն է օգտվել: «Եվ երկրորդ՝ եթե օգտվել ենք, խնդիր ունենք, որովհետև վաղը-մյուս օրը չպետք է օգտվենք: Ակնարկ եղե՞լ է՝ երբ է դադարեցվելու»,- նշեց Հ. Բագրատյանը:
Տնտեսական զարգացման և ներդրումների փոխնախարար Գարեգին Մելքոնյանը տեղեկացրեց, որ առևտրային այդ ռեժիմի համակարգը Հայաստանին տրվել է նորացված վիճակով, 2014թ.-ից` 10 տարով: «Աշխատանքները բնականոն ընթանում են: Համակարգը գործում է, դադարեցված չէ, և դադարեցման հիմքեր չկան: Ներկա փուլում ես որևէ մտավախություն չեմ տեսնում»,- ասաց Գ. Մելքոնյանը: – ՀՀ օգտագործման գործակիցն ամենաբարձրերից մեկն է: Համակարգից օգտվում է 10 երկիր աշխարհում, տարածաշրջանում միայն ՀՀ-ն է: 6400 անուն ապրանք սերտիֆիկատ ունենալու դեպքում ԵՄ արտահանվում է զրոյական մաքսատուրքերով: Սա այն գրավչություն է, որի մասին խոսվել է և շատ դրական պատկեր է ստեղծում Հայաստանում արտադրություն հիմնելու»:
Մանրմասները՝ տեսանյութում:
