ԱԺ սոցիալական հարցերի և ֆինանսավարկային և բյուջետային հարցերի մշտական հանձնաժողովներում շարունակվում են 2017 թվականի պետական բյուջեի քննարկումները: ԲՀԿ խմբակցության ղեկավար Նաիրա Զոհրաբյանը հիշեց Տիգրան Սարգսյանի օրոք ընդունված որոշման մասին. «Հիշում ենք հերոսական ռեֆորմիստ Տիգրան Սարգսյանի կառավարության որոշումը, որով 18 հազար դրամ գործազրկության նպաստը հանվեց: Այն հետագայում պետք է տրվեր ինչ-որ կենտրոնների՝ ուսուցում կազմակերպելու, այնուհետ ծրագրի մասնակիցներին աշխատանքով ապահովելու համար:
Արդեն քանի տարի անցել է այդ ծրագրից, քանի՞ գործազուրկ է ուսուցանել այդ կենտրոններում և քանիսն աշխատանք են ստացել»,- հարցրեց Զոհրաբյանը և հորդորեց մատնանշել այդպիսի կենտրոններից գոնե մեկի անունը:
Աշխատանքի և սոցիալական հարցերի նախարար Սրտեմ Ասատրյանը նշեց, թե մասնագիտական ուսուցման ծրագրին 2015 թվականին մասնակցել է 969 անձ, որոնց 87,2% դարձել է կայուն զբաղված:
Նաիրա Զոհրաբյանը սոցապնախարարին խնդրեց տեղեկացնել, թե 2016-ին քանի երեխա է որդեգրվել Հայաստանում և քանիսին են արտերկիր տեղափոխվել: Նախարարը պատասխանեց, որ օտարերկրացիների կողմից երեխաների որդեգրման գործընթացը վերահսկում է Արդարադատության նախարարությունը:
Մանրամասները՝ տեսանյութում:
