«Մինչև այսօր եթե մենք տնտեսական աճի առումով ունեցել ենք խոցելիություն, դա պայմանավորված է եղել նրանով, որ պետական կառավարման մարմինները, ընդհանուր առմամբ, տնտեսվարող սուբյեկտներին խանգարել են: Այսօր եթե վաչապետը բարձրաձայնում է և շեշտադրում է այս հանգամանքը, ուրեմն առաջիկայում այդ խանգարելու պրոցեսը երևի թե պետք է դադարեցնեն: Այդ պարագայում խնդիր չի լինի ոչ միայն 3,2 տոկոս, այլ ավելի բարձր տնտեսական աճ ապահովելու համար:
Խաղի կանոնների փոփոխության, խաղի ճիշտ կանոնների կիրառման անհրաժեշտություն կա, որոնք բազմաթիվ են՝ հարկային օղապարանի շպրտում, տնտեսական մրցակցության ազատ դաշտի ձևավորում, ներդրումների համար գրավիչ պայմանների ստեղծում, ներդրումների հոսքի ապահովում… , սակայն փաստորեն ՀՀ-ում այս ինստիտուտները չեն գործում: Ի՞նչ տնտեսական աճի մասին կարելի է խոսել, եթե երկիրն ունի մեծ ծավալներով ստվերային տնտեսություն: Դրա համար իշխանությունները այս նոր կառավարությունը ձևավորեցին՝ այլընտրանք չունենալով: Բոլորս ուզում ենք հույս ունենալ, որ այս տխուր իրավիճակից պետք է դուրս գանք»: Այս մասին «Առաջին լրատվական»- ի հետ զրույցում ասաց տնտեսագետ Վարդան Բոստանջյանը:
«Ես կուզենայի, որ նոր կառավարությանը տիեզերական ուժ տրվեր և մեր երկիրն այս վիճակից դուրս բերեն: Այսպիսի հասարակության մեջ չկարողանալ նոր արժեք ստեղծել և մեծացնել, աններելի է»,- նշեց Բոստանջյանը՝ հավելելով, որ անհրաժեշտ է քաղաքական կամք ունենալուց առաջ նախ մարդ լինել և հրաժարվել փողասիրությունից:
Մանրմասները՝ տեսանյութում:
