«Սասնա ծռեր» խմբի աջակիցները դադարից հետո կրկին Ազատության հրապարակում են. պահանջում են ազատ արձակել «Սասնա ծռեր» խմբի անդամներին։ Նախաքննությունը շարունակվում է, և «Սասնա ծռեր»- ի անդամներին արգելված է տեսակցել իրենց հարազատներին։
«Արհամարհում են մայրերին և հայրերին, թույլ չեն տալիս տեսակցել իրենց հարազատներին»,- հանրահավաքում ելույթ ունենալով՝ ասաց Անդրիաս Ղուկասյանի կինը՝ Անահիտ Թարխանյանը:
Հավաքի ընթացքում կազմակերպվեց ստորագրահավաք՝ պահանջագիր ներկայացնելու Մարդու իրավունքների պաշտպան Արման Թաթոյանին՝ խնդրելով զբաղվել «Սասնա ծռեր»-ի և նրանց ձերբակալված աջակիցների հարազատների հետ տեսակցության հարցով։ «Սասնա ծռեր»-ի աջակիցները նամակ հանձնեցին ՄԻՊ գրասենյակ:
«Սասնա ծռերի» աջակիցներն առաջիկայում ևս պատրաստվում են հանդես գալ բողոքի գործողություններով. «Ամենօրյա պայքարով կհասնենք նրանց ազատ արձակմանը»:
Մանրամասները՝ տեսանյութում:
