Երևան քաղաքի գլխավոր ճարտարապետ Տիգրան Բարսեղանը «Առաջին լրատվական»- ի հետ զրույցում նախօրեին նախկին տպարանի քանդման աշխատանքներին անդրադառնալով, նշեց, որ այդ շենքը կառուցվել էր 30-ական թվականների վերջերին:
Նրա խոսքով այս շենքը իր շինարարական սեյսմիկ որակներով իր հնարավորություններով այլևս իրեն սպառել էր որպես կառույց՝ և՛ գործառույթներով և ամրակայունությամբ:
«Այստեղ ներդրումային ծրագիր է նախատեսված, ըստ գլխավոր հատակագծի, ըստ գոտևորման մեր նախագծի՝ նախատեսվում է կառուցել ժամանակակից հյուրանոց, որը առաջնային և նպատակային է՝ բարետես Երևան ունենալու և զբոսաշրջությանը խթանելու առումով:
Մենք իհարկե թույլատրեցինք, որպեսզի հյուրանոցի ճարտարապետահատակագծային նախագիծը լինին, որին հաջորդեց նաև քանդման ենթակա հատվածի քանդման աշխատանքներ իրականացնելու թույլտվությունը: Քանի որ նախատեսված է, որ շենքը պիտի բարձրահարկ լինի, դա հնարավոր չէր առանց այդ բլոկի ապամոնտաժման, հնարավոր չէր նրա վրա մի քանի հարկ կառուցել»:
Տիգրան Բարսեղյանի հավաստմամբ, թեև քաղաքապետարանը տվել է քանդման թույլտվությունը, սակայն իրազեկված չի եղել պայթեցման եղանակով շենքը քանդելու մասին. «Այլ հարց է, որ կառուցապատողը դիմել է պայթեցման մեթոդով քանդելուն, մենք այդ մասին իրազեկված չենք եղել: Կառուցապատողը պետք է իրազեկեր և՛ հանրությանը, և՛ համապատասխան մարմիններին, և՛ քաղաքապետարանին: Այս հարցով կառուցապատողը բացթողում է ունեցել»:
«Այնուամենայնիվ, քանի որ արտակարգ հետևանքներ չեն եղել, ենթադրում եմ, որ հաշվարկները պրոֆեսիոնալ են եղել, որով նախատեսվել է պայթեցման մեթոդով իրականացնել քանդման աշխատանքները, գրագետ լուծումներ են տրված, որի շնորհիվ այդ համալիրի հարակից կառույցները չեն տուժել»:
Մանրմասները՝ տեսանյութում:
