Ինչպես արդեն տեղեկացրել ենք, «Լիվերպուլ»-ի գլխավոր մարզիչ Յուրգեն Կլոպը ճանաչվել է Անգլիայի Պրեմիեր լիգայի սեպտեմբեր ամսվա լավագույն մարզիչ։ «Լիվերպուլ»-ը նրա գլխավորությամբ 3 հաղթանակ է տարել։
«Մտա գրասենյակ ու օգնականներիս ասացի, որ մենք լավագույնն ենք նախորդ ամիս, բայց անձնական մրցանակներ ինձ հարկավոր չեն, պետք են միավորներ։ Իհարկե, հաճելի է, որ պահարանիս վրա հերթական մրցանակը կդրվի։
Ճիշտ ուղու վրա ենք։ Այստեղ շատ են ուժեղ ակումբները, բարձր է մրցակցությունը։ Առջևում մի շարք բարդ խաղեր են։ Կփորձենք շարունակել հաղթել»,- Կլոպի խոսքերը մեջբերում է անգլիական ակումբի պաշտոնական կայքը։
