Թուրքական Anadolu լրատվական գործակալության փոխանցմամբ՝ Թուրքիայի արդարադատության նախարար Բեքիր Բոզդաղը հայտարարել է, որ հոկտեմբերի 26-27-ին պլանավորում է այցելել ԱՄՆ և ԱՄՆ գլխավոր դատախազ Լորետա Լինչի հետ քննարկել իսլամական քարոզիչ Ֆեթհուլլահ Գյուլենի կալանավորման ու արտահանձնման հարցը.
«Ես հոկտեմբերի 25-ին կմեկնեմ ԱՄՆ։ ԱՄՆ գլխավոր դատախազի հետ հանդիպումը պլանավորված է հոկտեմբերի 26-27-ին։ Այցի հիմնական նպատակն այն իրավական փաստաթղթերի քննարկումն է, որոնք ներկայացվել են ԱՄՆ-ին և վերաբերում են FETÖ-ի հիմնադրին ու ղեկավարին և նրան ժամանակավոր կալանավորելուն՝ կապված ռազմական հեղաշրջման փորձի հետ»։
