Georgia Online-ի փոխանցմամբ՝ Վրաստանի նախկին նախագահ Միխեիլ Սաակաշվիլին անիմաստ է համարել խորհրդարանական ընտրությունների երկրորդ փուլին «Միացյալ ազգային շարժման» անդամների մասնակցությունը:
«Այսպիսի իրավիճակում անիմաստ է ասել, թե երկրորդ փուլում ինչ-որ բան կփոխվի, քանի դեռ այնտեղ կան գլխավոր գործոններ: Երկրորդ փուլից առաջ Իվանիշվիլին հայտարարել է, որ իր թեկնածուները հաղթելու են բոլոր ընտրատարածքներում:
Բնականաբար, այսօրվա ընտրական համակարգի պայմաններում այդպես էլ լինելու է: Այդ պատճառով էլ ես իմաստ չեմ տեսնում: Բնական է, որ յուրաքանչյուր թեկնածու անհատապես պետք է որոշի երկրորդ փուլին մասնակցելու և դրանով ընտրությունները օրինականացնելու հարցը, որոնք ուղեկցվել են շատ կոպիտ խախտումներով:
Ինչ վերաբերում է հետագա գործողություններին, ներկայումս թևաթափ լինելու ժամանակը չէ: Մենք բոլորս լավ հասկանում ենք, որ հետագա ժամանակաշրջանը կլինի շատ բարդ»,- նշել է Սաակաշվիլին:
