ԱՊՀ երկրների քաղաքացիները պարտավոր են բժշկական ապահովագրություն գնել Ռուսաստան մուտք գործելու ժամանակ՝ հաղորդում է «Իզվեստիա» թերթը:
Նման նախաձեռնությամբ հանդես է եկել Պետդումայի «Միասնական Ռուսաստան» կուսակցության պատգամավոր Ալեքսեյ Ժուրավլյովը: Նրա խոսքերով՝ նման պրակտիկայի ներդրումը անհրաժեշտ է, որպեսզի արմատախիլ արվի, այսպես կոչված, «բժշկական զբոսաշրջությունը», երբ ԱՊՀ քաղաքացիները Ռուսաստան են այցելում մասնագիտացված և անվճար բուժօգնություն ստանալու համար:
Այսպիսով՝ ապահովագրություն պարտավոր են ներկայացնել ոչ միայն նրանք, ովքեր Ռուսաստան են ժամանում այցագրերով, այլև նրանք, ովքեր օգտվում են առանց այցագրի ռեժիմից:
