Կարո Եղնուկյանի փաստաբանը միջնորդություն է ներկայացրել դատարան՝ մեկ միլիոն դոլար գրավի դիմաց Եղնուկյանին ազատելու վերաբերյալ:
Կփոխվի՞ արդյոք Եղնուկյանի խափանման միջոցը թե ոչ. «Առաջին լրատվական»- ի այս հարցին ի պատասխան՝ ԱԻՄ առաջնորդ Պարույր Հայրիկյանը նշեց. «Ճշմարտությունից վեր ոչինչ չկա: Շրջանառության մեջ է դրվել այն գաղափարը, որ պատրաստ են նույնիսկ այսքան գրավ տալ, որպես երաշխիք այն բանի, որ Կարո Եղնուկյանը չի պատրաստվում փախչել: Իսկապես գրավի չափը աննախադեպ է:
Մեկ այլ տեսանկյունից էլ պետք է նայել՝ միջնորդել են պատգամավորներ, միջնորդել է ԱԻՄ-ը: Կարո Եղնուկյանը ԱԻՄ-ի պատասխանատուներից է: Նա մասնակցում է նաև այլ կազմակերպությունների աշխատանքներին: Կարո Եղնուկյանը չի համագործակցել բռնությամբ, զենքի միջոցով հարցեր լուծելու գործունեությունը արդարացնող որևէ կազմակերպության հետ:
Կարո Եղնուկյանը հանցագործ չէ: Եթե նա գրավի դիմաց հանրություն վերադառնալու հնարավորություն չստանա, այդտեղ կարող են լինել միայն հետին նկատառումներ:
Այս դեպքում դատարանը առաջնորդվում է իշխանության դիրքորոշմամբ»:
Մանրամասները՝ տեսանյութում: