Toyota Motor ընկերությունը հայտարարել է ռոբոտ-երեխայի ստեղծման մասին, որը ստացել է Kirobo Mini անվանումը։ Այն նախատեսված է Ճապոնիայում երեխա չունեցող կանանց համար, որտեղ դիտվում է ծնելիության մակարդակի ռեկորդային անկում։ Այս մասին հայտնում է Reuters գործակալությունը։
Գործակալության տվյալներով՝ Toyota-ի հայտնագործությունը կոչված է մեղմացնելու երկրում բացասական ժողովրդագրական միտման հետևանքները։ Նշվում է, որ Ճապոնիան առաջատար է զարգացած երկրների շարքում բնակչության ծերացման ցուցանիշներով։
Ընկերությունը ծրագրում է սկսել Kirobo Mini վաճառքը հաջորդ տարի։ Ռոբոտը կարժենա 39.800 իեն (392 դոլար)։
