Կինոռեժիսոր Լարս ֆոն Տրիերը, որին Կաննի կինոփառատոնում համարել են պերսոնա նոն գրատա Հիտլերի նկատմամբ իր «սերը» հայտարարելու և Իսրայելին ու հրեաներին վիրավորելու համար, երեկ ասել է, որ հպարտ է նման տիտղոսի համար: «Ես հպարտ եմ, որ ինձ հայտարարել են պերսոնա նոն գրատա: Կարծես թե այսպիսի բան կինոյի պատմության մեջ առաջին անգամ է հնչում»,- ասել է ռեժիսորը:
Նա ասել է, որ ներողություն է խնդրել իր ասածների համար և շարունակում է ներողամտություն հայցել, ինչպես նաև ընդունել է, որ կինոփառատոնի ղեկավարությունն իրավունք ուներ նման որոշում կայացնելու: «Ես երբեք չեմ ցանկացել վիրավորել: Ուղղակի այնպիսին եմ, ինչպիսին կա՛մ, ես չեմ կարող իմ էությունը փոխել»,- ասել է Տրիերը:
Հիշեցնենք, որ կինոփառատոնի ղեկավարությունը նման որոշում է կայացրել երեկ: Տեղեկացնենք նաև, որ մայիսի 18-ին դանիացի հայտնի ռեժիսոր Լարս ֆոն Տրիերը մի շարք հակասական հայտարարություններ էր արել՝ ասելով, թե իմանալով, որ ինքը գերմանացի է, «սկսել է հասկանալ Հիտլերին»: Բացի այդ, նա ասել էր՝ «չնայած հրեաներն էլ են ինձ համար համակրելի, սակայն Իսրայելն, իհարկե, բոլորի թութքն է»։
