Մի խումբ ամերիկացի նախկին բարձրաստիճան դիվանագետներ արտահայտվել են ԱՄՆ նախագահի հանրապետական թեկնածու Դոնալդ Թրամփի դեմ։ Նրանց կոլեկտիվ նամակը հայտնվել է The Washington Post-ի տրամադրության տակ։
Այսպիսով, 75 դիվանագետներ, որոնց շարքում կան դեսպաններ և Պետդեպի բարձրաստիճան անձինք, իրենց ուղերձում Թրամփին անվանել են «միանգամայն անհամապատասխան թեկնածու նախագահի և գխավոր հրամանատարի դերի համար»։ Դիվանագետների խոսքով՝ իրենցից ոչ մեկը չի քվեարկի հանրապետական թեկնածուի օգտին։
Նրանք մտադրություն են հայտնել քվեարկելու Թրամփի մրցակցի՝ դեմոկրատ Հիլարի Քլինթոնի օգտին, թեև նշում են, որ բոլոր հարցերում չէ, որ նրա հետ համաձայն են։
Դիվանագետների կարծիքով՝ Թրամփին անծանոթ է խնդիրների բարդ բնույթը, որոնք կանգնած են մեր երկրի առջև: Դրանց թվում են Ռուսաստանը, Չինաստանը, ԴԱԻՇ-ը, միջուկային զենքի տարածումը, փախստականները, թմրանյութերը։
Բացի այդ, նրանց «ցնցում է այն, որ Թրամփը համակրանքով է արտահայտվում Ռուսաստանի նախագահ Վլադիմիր Պուտինի հասցեին»։
Ավելի վաղ մոտ 90 պաշտոնաթող գեներալներ ու ծովակալներ բաց նամակ էին գրել՝ հաջակցություն Թրամփի։
