«Նախկին մարզպետ Սարգիս Սահակյանի կողմնակիցը, որը պաշտպանում է ՀՀԿ կուսակցության թեկնածու Երվանդ Խաչատրյանի թեկնածությունը, ուզում էր խանգարել մեր գյուղի ընտրությունները: Ո՞վ է իրեն թույլատրել գալ Ծաղկահովիտ, խանագարել այս ժողովրդին, միջադեպ հրահրել: Նա իրավունք չունի Արայիկի հասցեին որևէ բան ասի, Արայիկ Խանդոյանին ես լավ գիտեմ մանկուց, կիրթ ընտանիքից է, բոլորն էլ նրան սիրում, հարգում են»,- «Առաջին լրատվական»- ի հետ զրույցում ասաց Ծաղկահովիտ համայնքի նախկին գյուղապետ, գյուղապետի թեկնածու Նորայր Հակոբյան:
Գյուղապետի թեկնածուն ասաց նաև, որ ինքը ինքնաբացարկ չի ներկայացրել, որպեսզի Երվանդ Խաչատրյանը չհաղթի ՏԻՄ ընտրություններում, և հավելեց. «Իսկ Արայիկ Խանդոյանի համար կյանքս էլ կտայի»:
Հիշեցնենք՝ Արագածոտնի մարզի Ծաղկահովիտ գյուղում անհայտ անձը մտել է 14/1 ընտրատարածք, ներկայացել որպես գործող համայնքապետ, համայնքապետի թեկնածու Երվանդ Խաչատրյանի վստահված անձ և ասել. «Վերևից ասել են դադարեցնել ընտրությունները, որովհետև Արայիկ Խանդոյանի կինը, վստահված անձ է և կրում է Արայիկ Խանդոյանի պատկերով մարզաշապիկ»։
Արայիկ Խանդոյանի կինն ընդդիմացավ, հավաքված մարդիկ փաստաթուղթ պահանջեցին ընտրությունը դադարեցնել պահանջող անձից, պարզվեց, որ նա կեղծ թուղթ ուներ իր մոտ և գրանցված չէր որպես գործող համայնքապետի վստահված անձ։
Մանրամասները՝ տեսանյութում:
