Ադրբեջանական Turan լրատվական գործակալության փոխանցմամբ՝ ԱՄՆ Կոնգրեսի Հելսինկյան հանձնաժողովի նախագահ, կոնգրեսական Քրիս Սմիթը ոչ վաղ անցյալում նամակ է հղել Ադրբեջանի նախագահ Իլհամ Ալիևին։
Երկու կուսակցության անունից Ալիևին կոչ է արվում վերանայել հանրաքվեի անցկացումն ու ցուցադրել մարդու իրավունքներին իր կառավարության հավատարմությունը։
Նամակի տակ ստորագրել են հանրապետական կոնգրեսականներ Ջո Պիտսն ու հանրապետական Ադամ Շիֆը։ Նամակում նշված է, որ նախագահության ժամկետների երկարաձգումն ու նախագահական լիազորությունների ընդլայնումը կարող են հանգեցնել քաղաքական իշխանության չարաշահմանը։
Կոնգրեսի անդամները գրում են. «Մենք հատկապես մտահոգ ենք հիմնական իրավունքների սահմանափակումների համար, որոնք կենսական անհրաժեշտություն ունեն հրապարակային բաց բանավեճերի ու կառավարության հաշվետվության համար»։
