Թուրքական Anadolu լրատվական գործակալության փոխանցմամբ՝ Սիրիայի հյուսիսում գտնվող Ջերաբլուս քաղաքից ԴԱԻՇ-ին վտարելուց հետո այնտեղ վերադարձած փախստականների թիվը հասել է 1900 մարդու։
Այդ մասին հայտարարել է Գազիանթեփ նահանգի ներգաղթի կառավարման վարչության պետ Օքթայ Բահչեչին.
«Մեր աշխատակիցներն իրականացնում են անհրաժեշտ բոլոր ընթացակարգերը։ Դրանց ավարտից հետո բոլոր ցանկացողները կկարողանան մեկնել հայրենի Ջերաբլուս։
Միայն այսօր սահմանը հատել է 105 մարդ։ Ընդհանուր առմամբ մեկ շաբաթվա ընթացքում հայրենիք է վերադարձել 1900 մարդ»։
Ջերաբլուսից ԴԱԻՇ-ի վտարումը տեղի է ունեցել օգոստոսի 24-ին Թուրքիայի զինված ուժերի «Եփրատի վահան» ռազմական գործողության շրջանակներում։
