Թուրքական զորքերը ընդլայնել են «Եփրատի վահան» օպերացիայի սահմանները Սիրիայի տարածքում: Թուրքական սահմանով Սիրիա է մտել տանկերի և ծանր հրետանու ևս մեկ շարասյուն: «Եփրատի վահան» օպերացիայի շրջանակներում Թուրքիան ևս մեկ ճակատ է բացել Սիրիայում: Նրա տանկերը և ծանր հրետանին անցել են թուրքական սահմանով և շարժվում են դեպի Ալ-Ռաի քաղաքի շրջան, հայտնում է Hurriyet պարբերականը:
Հաղորդագրությունում նշվում է, որ Թուրքիան ուղարկել է Leopard տանկեր որպես լրացում ավելի վաղ Սիրիայում գործողություններին մասնակցող M60T տանկերի: Բացի այդ՝ Սիրիայի տարածք է տեղափոխվել մի քանի զրահամեքենա Kirpi հակաականային պաշտպանությամբ:
Ռազմական գործողությունների նոր շրջանը գտնվում է մոտ 25 կմ արևմուտք այն վայրից, որտեղ թուրքական զորքերը առաջին օպերացիայի ժամանակ հատել են Սիրիայի սահմանը:
Այդ մասին հայտնել է նաև Reuters-ը՝ հղում անելով Dogan տեղեկատվական գործակալությանը:
