«Ռուսաստանի այսրկովկասյան քաղաքականությունը, որը ձևավորվել է Պուտինի երկրորդ կառավարման շրջանում, բացարձակապես տապալվեց: Քառօրյա պատերազմն ապացուցեց, որ մեր ժողովրդի ոգին շատ բարձր է, նույնիսկ եթե նրանք մանկլավիկներ ունեին այստեղ, ոչնչով չկարողացան ազդել, և հայ զինվորները, սպաները և գեներալիտետը ջախջախեցին և մի կողմ դրեցին այդ պլանը»: Այս մասին «Առաջին լրատվական»- ի հետ զրույցում ասաց քաղաքագետ Լևոն Շիրինյանը:
Քաղաքագետի խոսքով՝ ինչը որ չհաջողվեց Ադրբեջանի համար անել ռազմի դաշտում, Ռուսաստանը փորձեց դրան հասնել դավադիր ճանապարհով. «Մոսկվան ցանկանում էր այլ կերպ կազմակերպել հաղթանակը, որը նախատեսված էր ապրիլյան պատերազմով, բայց արդյունք չեղավ: Դրանից հետո առաջացան տարածքների հանձնման վերաբերյալ խոսակցություններ: Աշխարհում ո՞ր մի ախմախ ժողովուրդն է, որ տարածք է հանձնել, հայրենիք հանձնել խոսակցություններով: Վստահ եմ, որ Մոսկվան դա հրահրում էր իր քարոզիչներով, ռուս և հայ մանկլավիկներով: Տարածքներ հանձնելու վերաբերյալ խոսակցությունը մեզ մոտ բերեց դիմադրական հակառակ շարժման և կուլմինացիան «Սասնա ծռեր»- ի ապստամբությունն էր, որը թաղեց նման ծրագիրը: Այս փուլում հաղթեց «ոչ մի թիզ հող» բանաձևը»:
«Արցախի բանակը պետք է պատրաստ լինի վերականգնել Արցախի սահմանադրական տարածքը, և պատրաստ լինի ռազմական գործողությունները տեղափոխել Ադրբեջանի տարածք»,- ընդգծեց քաղքագետը՝ հավաստիացնելով, որ երբ որ կգնանք այս քայլին, կունենանք հավերժական խաղաղություն:
Մանրամասները՝ տեսանյութում:
