ԱՄՆ նախագահի դեմոկրատ թեկնածու Հիլարի Քլինթոնի նախընտրական շտաբը ամերիկացիներից օգոստոսին ընդհանուր առմամբ ստացել է 143 մլն դոլարի նվիրատվություն։ Այս մասին հայտնել է շտաբը։
Ինչպես նշել է Քլինթոնի մենեջեր Ռոբի Մուկը, նվիրատվություն են կատարել մոտ 62 մլն ամերիկացիներ։ Նվիրատվության միջին գումարը կազմել է մոտ 50 դոլար։
Մուկի հավաստմամբ՝ հավաքված միջոցների ծավալով սա լավագույն ամիսն է Քլինթոնի նախընտրական արշավի մեկնարկից ի վեր։
Օգոստոսի սկզբին Fox News-ը հաշվարկել է, որ 2015/2016 արշավի ողջ ընթացքում Քլինթոնին հաջողվել է հավաքել 374.5 մլն դոլար, այդ թվում՝ 42.5 մլն դոլարը՝ 24 ամերիկացի միլիարդատերերից։ Թրամփը հավաքել է մոտ 3.5 անգամ քիչ՝ 98.7 մլն դոլար։
