Սմարթֆոններ, պլանշետների ու ժամանակակից այլ էլեկտրոնիկա արտադրողներն առաջիկա տարիներին ստիպված կլինեն նոր նյութեր յուրացնել սենսորային էկրանների համար, քանի որ ժամանակակից դիսփլեյների առանցքային բաղադրիչի բնական պաշարները՝ ինդիումի մետաղը կարող է շուտով վերջանալ՝ հայտնում է CNews-ը:
Այդ թեման քննարկվել է Սան Ֆրանցիսկոյում անցկացված արդյունաբերական Semicon West համաժողովի ժամանակ:
Փորձագետները նշում են, որ ժամանակակից սենսորային էկրաններում տեղադրված է ինդիումի և անագի օքսիդի ժապավեն, որի օգնությամբ էլ գրանցվում է սեղմումը:Այդ նյութն օգտագործվում է այն պատճառով, որ այն ունի բարձր թափանցելիություն և հաղորդունակություն: Այս մասին հայտնում է CNews-ը:
Արտադրողները ստիպված են արդյունաբերական մասշտաբներով նոր նյութեր յուրացնել արդեն առաջիկա տարիներին՝ հաշվի առնելով սենսորային սարքերի թողարկման ծավալների աճի տեմպերը:
NPD DisplaySearch-ի տվյալներով՝ 2013-ին թողարկված բոլոր սարքերի սենսորային էկրանների ընդհանուր մակերեսը կավելանա երկու անգամ՝ հասնելով 25.5 մլն քառակուսի մետրի՝ 2012-ի 12 մլն քառակուսի մետրի դիմաց: Սպասվում է, որ 2015-ին մակերեսը կհասնի 35.9 մլն քառակուսի մետրի:
