Ավան և Նոր Նորք վարչական շրջանների ընդհանուր իրավասության դատարանում այսօր հետաձգեց Վազգեն Սարգսյանի անվան ռազմական ինստիտուտի կուրսանտ Հայկազ Բարսեղյանի սպանության գործով դատավարությունը։
Սպանված կուրսանտի հայրը՝ Արկադի Բարսեղյանը, «Առաջին լրատվական»- ի հետ զրույցում նշեց, որ այսօր դատական նիստը տեղի չի ունեցել վկաների բացակայության պատճառով: Դատական նիստին մեկ ժամ ուշացած է ներկայացել պաշտպան Արա Զաքարյանը:
Կարեն Բաղրամյանը իր ցուցմունքը տվել էր, օգոստոսի 8-ին հրապարակել էր դատարանում: Մյուս կուրսանտների վերաբերյալ գրություն էր ուղարկվել դատարան, համաձայն որի՝ նրանք գտնվում էին ուսումնական արձակուրդում։ Դատական հաջորդ նիստը նշանակվեց սեպտեմբերի 5-ին։
«Սպանությունը հեշտությամբ կատարվել է, բայց նիստերը շատ դանդաղ են ընթանում՝տարբեր պատճառաբանություններով, իր մտահոգությունն արահայտեց Արկադի Բարսեղյանը: Դաժանորեն սպանված կուրսանտի հայրը դատական նիստերը հետաձգելու մեջ միտում է տեսնում»:
Հիշեցնենք, որ 2015 թվականի հունվարի 29-ին՝ Երևանում տեղակայված ուսումնական զորամասերից մեկի մարզահրապարակում հայտնաբերվել էր նույն զորամասի 1-ին կուրսի ուսանող Հայկազ Արկադիի Բարսեղյանի դին՝ պտտաձողի վրա պարանով կախված վիճակում:
Դեպքի առթիվ ՀՀ քննչական կոմիտեի զինվորական քննչական գլխավոր վարչությունում հարուցվել է քրեական գործ՝ ՀՀ քրեական օրենսգրքի 104-րդ հոդվածի 2-րդ մասի 7-րդ կետով, ստեղծվել է քննչական խումբ։ Զինծառայող Հ.Բարսեղյանին սպանելու կասկածանքով ձերբակալվել են համածառայակիցներ՝ Վաչե Սահակյանը, Մովսես Ազարյանը, Գնել Թևոսյանը և Նորիկ Սահակյանը:
Մանրամասները՝ տեսանյութում:
