Քեյթ Միդլթոնը որոշել է առաջնեկի ծնվելուց առաջ վերջին օրերն անցկացնել ծնողների տանը: Անցյալ ուրբաթ Քեմբրիջի դքսուհին մեկնել է Միդլթոնների՝ Բերքշիրում գտնվող առանձնատուն: Այնտեղից Մարիա թագուհու անվան հիվանդանոց 50 մղոն է: Նշենք, որ հենց այդ հիվանդանոցում է Քեյթը պատրաստվում ծննդաբերել:
Sunday Express-ը հայտնում է, որ Քերոլ և Մայքլ Միդլթոնների առանձնատան մերձակայքում ոստիկանական մեքենաներ են նկատվել, որոնք պետք է ապահովեն դքսուհու՝ ծննդատուն անվտանգ հասնելը:
«Հայրական տունը միակ վայրն է, որտեղ Քեյթն իսկապես կարող է թուլանալ: Նա գիտի, որ իր մայրը կարող է ինչպես հարկն է հոգ տանել իր մասին, Ուիլյամն էլ կարող է վստահ լինել, որ ամեն ինչ հուսալի ձեռքերում է»,- պարբերականին ասել է ինֆորմատորը:
