Երեք ամիս առաջ Ասսիզիի (Իտալիա) Սան Ֆրանչեսկո տաճարում՝ սուրբ Ֆրանցիսկոսի դամբարանի մոտ, տեղադրվել է վեց տեսախցիկ: Նախօրեին Վատիկանի ռադիոկայանը հաղորդել է, որ այս ընթացքում դամբարան վիրտուալ այցելել է համացանցի 18 միլիոն օգտատեր՝ աշխարհի 123 երկրներից:
Կոնվենտուալ ֆրանցիսկանների եղբայրության միապետ Էնցո Ֆորտունատոն նշել է, որ սուրբ Ֆրանցիսկոսի հանդեպ հետաքրքրությունը պայմանավորված է առաջին հերթին նրանով, որ հենց այս անունն է վերցրել Հռոմի պապը:
Նա նաև նշել է, որ շաբաթը մեկ անգամ համացանցով ստացված խնդրանքները տպվում և բաշխվում են եղբայրության անդամներին՝ աղոթելու և ծիսակարգեր կատարելու համար:
