Printemps ընտանիքին աջակցող հասարակական կազմակերպությունների ակտիվիստները Բաստիլի գրավման օրվան նվիրված շքերթի ժամանակ պաստառին ամրացված փուչիկների հսկայական կապ են երկինք բաց թողել:
Դեպքը տեղի է ունեցել շքերթի վերջում, երբ ավարտվել է ուղղաթիռների թռիչքը և պարաշյուտիստներն իջել են Համաձայնության հրապարակում: Զինծառայողներից որոշ հեռավորության վրա երկինք է բաց թողնվել մուգ գույնի փուչիկներից բաղկացած հսկայական կապոցը, որին ամրացված է եղել Printemps Francais գրառմամբ պաստառը:
Դրանից մոտավորապես երկու ժամ առաջ միասեռ ամուսնությունների հակառակորդ Manif pour tous կազմակերպության անդամները սուլել են Ֆրանսիայի նախագահ Ֆրանսուա Օլանդին:
Այս տարվա շքերթի պատվավոր հյուրերի թվում են եղել ՄԱԿ-ի գլխավոր քարտուղար Պան Գի Մունը և Մալիի նախագահի ժամանակավոր պաշտոնակատար Դիոնկունդե Տրաորեն: Փարիզի կենտրոնում կայացած շքերթին ավելի քանի հինգ հազար մարդ է մասնակցել:
