Ամերիկացի երգչուհի Ամանդա Փալմերը հուլիսի 12-ին Լոնդոնում մերկ երգ է կատարել` նվիրված բրիտանական The Daily Mail տաբլոիդին: Նրա կատարումը տեղադրվել է YouTube-ում:
Dear Daily Mail երգը գրվել է որպես պատասխան լրագրողներին, որոնք «Գլաստոնբերիի» փառատոնի մասին ռեպորտաժում ուշադրություն են դարձրել Փալմերի` կրծկալից դուրս եկած կրծքին` փաստացիորեն անտեսելով փառատոնի երաժշտական հատվածը: Dear Daily Mail-ի տեքստը հեգնական կերպով նկարագրում է Փալմերի հետ տեղի ունեցած պատահարը և ծաղրում է դեղին մամուլի վերաբերունքը կնոջ մարմնի հանդեպ:
Կատարման կեսից Փալմերը հանել է զգեստը և մերկ կանգնել է դաշնամուրի առաջ:
Փալմերը «Գլասթոնբերի» փառատոնին ելույթ է ունեցել հունիսի 28-ին, և նրա լուսանկարները պարբերականում հայտնվել են նույն երեկոյան: