Եթե եբեմն ցանկանում եք խոսել ինքներդ ձեզ հետ, ապա հարկավոր է առանձնանալ և անել դա՝ ասում են Վիսկոնսին-Մեդիսոնի համալսարանի հոգեբանները: Այդ խոսակցությունը դրականորեն կանդրադառնա ուղեղի ակտիվության վրա:
Փորձը կառուցվել է կորցրած իրերի որոնման վրա: Հարցումը ցույց է տվել, որ հենց այդ պահերին մարդկանց մեծ մասը ցանկություն է ունենում խոսել ինքն իր հետ՝ ինքն իրեն մի քանի հարցեր տալու նպատակով: Կամավորների խմբից մեկին թույլ չեն տվել արտահայտվել, իսկ ահա երկրորդ խումբը իր կարծիքը արտահայտելու հնարավորություն է ունեցել:
Պարզվել է, որ երկրորդ խմբի կամավորները ավելի արագ են գտել կորցրած իրը, դրանից բացի՝ նրանք բարձր տրամադրություն են ունեցել:
Ինքն իր հետ զրուցելիս մարդը ոչ միայն հանգստանում է, այլև արագանում են ընկալման և մտածողության պրոցեսները, ինչը, գիտնականների կարծիքով, անբացատրելի երևույթ է:
