Պարզվում է, որ կանայք ամուսնալուծությունից հետո ավելի երջանիկ են և գոհ կյանքից, քան տղամարդիկ: Այս մասին հաղորդում է The Star-ը: Եվ դա այն դեպքում, երբ ամուսնալուծությունը երբեմն կարող է հանգեցնել կնոջ նյութական վիճակի վատթարացման: Ըստ մասնագետների՝ կանայք ամուսնալուծությունն ընդունում են որպես ելք, փրկություն:
Հարցման արդյունքները ցույց են տվել, որ ամուսնալուծությունից հետո 5 տարվա ընթացքում կանանց մոտ գրանցվել են կյանքից գոհ լինելու բարձր ցուցանիշներ: Տղամարդկանց այն ևս ուրախացնում է, սակայն ոչ այդքան:
Պրոֆեսոր Գայ Գրենյեի կարծիքով՝ խնդիրը գումարի մեջ է: Կանայք ուշ են ամուսնանում, կառուցում են իրենց կարիերան, գումար վաստակում: Բացի այդ, նրանք ունեն շատ ընկերուհիներ, ովքեր աջակցում են իրենց, ինչը չի կարելի ասել տղամարդկանց մասին: