Ամերիկացի երաժիշտ Փրինսը, որը մահացել է 2016 թվականի ապրիլին, հավանաբար թմրանյութերը ձեռք է բերել անօրինականորեն, հայտնում է Associated Press-ը:
Գործակալության տեղեկատվությամբ` երգչի տանը գտնված որոշ դեղահաբեր պարունակել են ֆենտանիլ, որի տարածումը գտնվում է դաշնային վերահսկողության տակ:
Նաև հաջողվել է պարզել, որ Փրինսին ոչ մի ուղեգիր չի տրվել նման դեղերի ձեռքբերման համար նրա կյանքի վերջին 12 ամիսների ընթացքում, այդ պատճառով ֆենտանիլը հնարավոր է եղել ձեռք բերել միայն սև շուկայից: Սակայն դեռևս անհայտ է, թե երաժիշտը ինչ ճանապարհով է ձեռք բերել այդ թմրանյութերը:
