Ինչպես տեղեկացրել էինք, այսօր Հյուսիսային Իռլանդիայի մայրաքաղաք Բելֆասթում տեղի են ունեցել անկարգություններ: Դրանց ժամանակ վիրավորվել է 32 ոստիկան և բրիտանական խորհրդարանի համայնքների պալատի մեկ պատգամավոր, գրում է gazeta.ru-ն:
Ոստիկանության հետ բախումներն սկսվել են այն բանից հետո, երբ Բելֆասթի իշխանությունները Նարնջագույն օրդենին արգելել են քայլերթ անցկացնել: Սա բողոքական կազմակերպություն է, որը հակադրվում է Հյուսիսային Իռլանդիայի կաթոլիկ մեծամասնությանը: Անկարգությունները շարունակվել են վեց ժամ և ավարտվել գիշերը: Նարնջագույնները ոստիկանների ուղղությամբ քարեր և բոցավառվող նյութերով շշեր են նետել, ոստիկանությունը պատասխանել է ջրաշթերով և պլաստիկե գնդակների կրակոցով:
Համայնքների պալատի պատգամավոր Նայգել Դոդսը պատրաստվել է ցույցի ժամանակ ելույթ ունենալ, սակայն քարով խփել են նրա գլխին, նա կորցրել է գիտակցությունը և տեղափոխվել հիվանդանոց: Բժիշկները պատգամավորի վիճակը գնահատում են կայուն:
Շաբաթ օրը Միացյալ Թագավորության տարբեր մասերից Հյուսիսային Իռլանդիա են տեղափոխվել մոտ 400 ոստիկաններ՝ պաշտպանելու հասարակական կարգը:
