Հայաստանի ազգային հավաքականի և Կրասնոդարի «Կուբան»-ի կիսապաշտպան Արազ Օզբիլիսը հաստատել է, որ իր ծառայություններով հետաքրքրվում է ֆրանսիական «Մոնակո»-ն: Օզբիլիսը նաև նշել է, որ ֆուտբոլային գործակալ Դմիտրի Սելյուկը չի ներկայացնում իր շահերը:
Հիշեցնենք, որ Սելյուկը հայտարարել էր, որ հանդիսանում է Օզբիլիսի գործակալը: Նա ավելի վաղ նման հայտարարություն արել նաև կապված Հենրիխ Մխիթարյանի հետ, բայց Մխիթարյանը նույնպես հերքել էր այն:
«Այո, տեղեկատվությունը ճիշտ է: «Մոնակո»-ն ցանկանում է ձեռք բերել տրանսֆերս: Իմ ծառայություններով հետաքրքրվում են նաև մի քանի մոսկովյան, մեկ ուկրաինական և մեկ թուրքական ակումբ:
Բայց ես «Կուբան»-ի ֆուտբոլիստ եմ, իսկ թե ինչ կլինի վաղը, չգիտեմ: Մյուս բոլոր հարցերը պետք է ուղղել «Կուբան»-ի ղեկավարությանն ու իմ գործակալին: Սելյուկն իմ գործակալը չէ և երբեք էլ չի եղել»,- Sport-express-ը մեջբերում է Օզբիլիսի խոսքերը:
