Բրիտանական Reuters լրատվական գործակալության փոխանցմամբ՝ նավթի համաշխարհային գներն այսօր նվազում են, քանի որ շուկայի մասնակիցները կասկածում են, շուկայի օգոստոսյան 20 տոկոսանոց աճի հիմնավոր լինելուն:
Շուկայի մասնակիցներն ուշադրություն են դարձրել Չինաստանից նավթամթերքների արտահանման կտրուկ աճին, ինչը կարող է լինել շուկայում առաջարկի ավելցուկի պահպանման նախանշան:
Իրաքն իր հերթին հայտարարել է առաջիկա օրերին նավթի արտահանումը 5 տոկոսով մեծացնելու ծրագրերի մասին, ինչը նույնպես ազդել է նավթի գնանկման վրա:
Առավոտյան ժամերին լոնդոնյան ICE Futures բորսայում Brent տեսակի նավթի հոկտեմբերյան ֆյուչերսների արժեքը նվազել է 1.5 տոկոսով՝ մեկ բարելի դիմաց մինչև 50.1 դոլար:
WTI տեսակի նավթի սեպտեմբերյան ֆյուչերսների արժեքը Նյու Յորքի ապրանքային բորսայում (NYMEX) նվազել է 1.3 տոկոսով՝ մեկ բարելի դիմաց մինչև 47.88 դոլար: