Չինաստանի Ժողովրդա-ազատագրական բանակի գեներալ-մայոր Չեն Ցզեն ինքնասպանություն է գործել: Այս մասին հայտնում է South China Morning Post պարբերականը՝ հղում անելով սեփական աղբյուրներին:
54-ամյա Չեն Ցզեն, որն զբաղեցրել է քաղաքական կոմիսարի պաշտոնը, բանակում սրընթաց կարիերա է արել: Նա կյանքից հեռացել է պաշտոնի հերթական բարձրացումից ընդամենը 1 օր առաջ՝ նշում է պարբերականը: Նրա հուղարկավորությունը տեղի կունենա այսօր:
Չինաստանի բարձրաստիճան զինծառայողների շրջանում սա մեկ շաբաթում ինքնասպանության արդեն երրորդ դեպքն է: Դիտորդները հակված են այս դեպքերը կապել Ժողովրդա-ազատագրական բանակի շարքերում անցկացվող հակակոռուպցիոն հետաքննության հետ:
