Superjet ինքնաթիռներ արտադրողը՝ «Սուխոյի քաղաքացիական ինքնաթիռներ» ռուսական ընկերությունը, հայտնվել է սնանկության շեմին: Այս մասին հաղորդում է «Կոմերսանտ»-ը՝ վկայակոչելով իր անանուն աղբյուրներին:
Պարբերականի տվյալներով՝ ընկերությունը կուտակել է 2.1 միլիարդ դոլարի պարտք և խախտել մի շարք վարկերի պայմանները: Ընկերությանը հաջողվել է պայմանավորվել, որ 2013թ. ընթացքում բանկերը չեն պահանջի վաղաժամ մարել վարկը, սակայն այդ ընթացքում ընկերությունը պետք է հաղթահարի ֆինանսական բարդությունները: Եթե մինչև տարվերջ Superjet արտադրողին չհաջողվի գումար գտնել, ապա ստիպված կլինի վարկերի դեֆոլտ հայտարարել՝ նշել են թերթի աղբյուրները:
Նրանց խոսքերով՝ ներկայում ընկերության ճակատագիրը քննարկում են պրոֆիլային նախարարություններն ու վարկատուները:
Տեղեկատվությունը առայժմ պաշտոնապես չի հաստատվել:
