Քեմբրիջի դքսի ու դքսուհու առաջնեկը հավանաբար լույս աշխարհ կգա հաջորդ շաբաթվանից ոչ շուտ: Նման եզրակացություն են արել բրիտանական ԶԼՄ-ներն այն բանից հետո, երբ Քենսինգթոնյան պալատի ներկայացուցիչը հայտարարել է, որ այս կիրակի արքայազն Ուիլյամը պոլո կխաղա Գլոսթերշիր կոմսությունում: Այս մասին փոխանցում է RIA Novosti-ն:
Բարեգործական մրցաշարից ստացվելիք միջոցները կփոխանցվեն արքայազն Ուիլյամի կողմից հովանավորվող կազմակերպություններին: ԶԼՄ-ները նշում են՝ քանի որ Ուիլյամը ծրագրում է ներկա գտնվել ծննդաբերությանը, իսկ կիրակի մտադիր է հեռանալ Լոնդոնից, դա նշանակում է, որ երեխայի ծնունդը սպասվում է դրանից հետո:
Անկախ սեռից՝ նրանց երեխան կդառնա բրիտանական գահի ժառանգման հերթում երրորդը:
