Ryno Motors ընկերության ինժեներները յուրօրինակ տրանսպորտային միջոց են ստեղծել: Արդյունքում նրանց մոտ ստացվել է միակնանի RYNO անունով տրանսպորտային միջոցը, որն աշխատում է մարտկոցներով: Ստեղծողները վստահեցնում են, որ դրա վրայից անհնար է ընկնել:
Միակնանի տրանսպորտային միջոցը կարող է շարժվել մինչև 40 կմ/ժ արագությամբ: Այն հնարավոր է կայանել ցանկացած վայրում՝ անվճար: RYNO-ն մշակել են Ryno Motors-ում, որպեսզի օգնեն վարորդներին խուսափել խցանումներից:
RYNO-ն աշխատում է սերգվեյի նման՝ վարորդը պետք է առաջ ու հետ թեքվի ընթացքը արագացնելու կամ դանդաղեցնելու համար, այն նաև ինքնահավասարակշռող համակարգ ունի: Տրանսպորտային միջոցը կշռում է 57 կգ և կարող է ընթանալ անգամ 30 աստիճան անկյան տակ։
Ընկերությունը դեռ չի հրապարակել տրանսպորտային միջոցի բոլոր տեխնիկական բնութագրերը և չի նշել վաճառքի կոնկրետ արժեքը: Կանխատեսվում է, որ այն կարժենա 3000 դոլար:
