Die Presse թերթին տված հարցազրույցում Ավստրիայի կանցլեր Կրիստիան Կեռնն առաջարկել է կասեցնել ԵՄ-ին Թուրքիայի անդամակցության բանակցային գործընթացը:
Կեռնն ընդգծել է, որ մտադիր է այդ հարցը բարձրացնել սեպտեմբերի 16-ին կայանալիք ԵՄ գագաթնաժողովում: Նա կարծում է, որ ԵՄ-ին Թուրքիայի անդամակցությունը հազիվ թե հնարավոր է տեսանելի ապագայում:
«Ոչ: Ոչ ներկայում և ոչ էլ հետագա տասնամյակներում: Այդ հարցում անհրաժեշտ է այլընտրանքային հայեցակարգ: Մենք գիտենք, որ Թուրքիայի ժողովրդավարական չափորոշիչները բավարար չեն, որպեսզի նա հավակնի ԵՄ անդամակցության:
Ոչ պակաս կարևոր գործոն է Թուրքիայի տնտեսական վիճակը: Թուրքիայի տնտեսությունն այնքան հեռու է եվրոպական միջին մակարդակից, որ մենք չենք կարող տնտեսական պատճառներով արդարացնել անդամակցությունը»,- նշել է Կեռնը:
Նա անհրաժեշտ է համարել Թուրքիային եվրոպական չափորոշիչներին հասցնելը:
